Pinaagi sa usa ka stakeholders forum, gidapit sa Planning Component kon I-PLAN sa DA-PRDP ang pipila ka mga bililhon nga players sa industriya sa swine gikan sa mga backyard raisers sa syudad sa Sugbo, sa mga lungsod sa Balamban, Dalaguete, Moalboal, Barili , San Fernando ug Isla sa Bantayan Probinsya sa Sugbo; mga lungsod sa Dimiao, Valencia, ug Daiuis lalawigan sa Bohol. Misanong usab sa imbistasyon ang Wellisa ug Marcela Farms sa habig sa commercial farms gawas sa partisipasyon sa nagkalain-laing municipal traders ingon man representante gikan sa Bureau of Animal Industry kon BAI.

Pipila sa kalambuan nga nakab-ot sa maong kalihukan naglakip sa pagsukip na sa kaso sa African Swine Fever (ASF) ngadto sa VCA, pag-update sa probinsya ubos sa Central Visayas, klaro nga pagdukomento sa input cost, galastuhan sa produksyon lakip ang marketing, biosecurity measures, pagsulod og pagawas kon inflow ug outflow sa binuhing baboy ug karneng baboy ilabi na ang mga maayo nga pamaagi sa backyard raisers.

Human sa paghipos sa datos isunod gilayon ang pagproseso niini aron sa hingpit makompleto na ang Swine VCA nga dako unya og ikatabang aron mas mapalig-on ug mapalambo ang industriya sa swine.

Sa nasayran, ang VCA usa ka science-based tool sa PRDP nga kasamtangang inanay nga gi-adopt sa ahensiya sa DA alang sa mga kongkreto nga evidenced-based planning and agri-fishery development sa ahensiya.