Ang katuyuan sa maong kalihukan nga matukod og han-ay nga plano ug estratehiya para sa mga proyekto nga ipatuman sa 48 ka mga farmers’ association nga gisuportahan sa DA-SAAD7 program sa umaabot na tuig 2026-2028.

Ang mga nangulo sa Department of Agriculture Central Visayas (DA7) na sila Regional Executive Director Angel C. Enriquez ug ni Regional Technical Director Cirilo N. Namoc nagpakita sa ilang dakong suporta alang sa kalampusan sa implementasyon sa programa diin mipaambit sila sa suhestyon kung unsa ang ilang gipangita sa usa ka project proposal.

Lakip sa mga kalihokan sa workshop mao ang presentasyon sa mga project proposal sa matag asosasyon. Sa maong presentasyon, ang mga eksperto gikan sa nagkadaiyang dibisyon sa Department of Agriculture: sama sa Research Division, Integrated Laboratory Division, ug Livestock Division, mipartisipar ug mitanyag sa ilang teknikal nga kahibalo ug suhestiyon aron mas mapaayo pa ang mga proyekto nga ipatuman.