Gipangulohan ang maong assessment ni DA7 Regional Executive Director Angel C. Enriquez, kauban si Regional Technical Director Cirilo Namoc ug mga miyembro sa Regional Program Advisory Committee (RPAC) nga gitambongan sa mga SAAD implementers gikan sa probinsya sa Bohol, Cebu, Negros Oriental, Siquijor ug sa Regional Program Management Office (RPMO).
Usa sa gihusgutan nga hagit sa pagpatuman sa proyekto mao ang proyektong ready-to-lay chicken (RTL).
Si Director Enriquez, nagkanayon nga ang SAAD usa ka programa nga dunay maayong stratehiya sa pagpatuman og mga proyekto ngadto sa mga lugar nga na-apil sa SAAD ug sa asosasyon niini.
Aron mas mabulokan ang pag-assess sa proyekto, iyang gisugyot nga adto himoon sa lugar sa mga benepisaryong asosasyon aron makuha ang ilang feedback kun aduna ba kini’y kaayohan nahatag kanila.
