Pormal na nga giturn over sa buhatan sa Department of Agriculture-Central Visayas (DA7) ang usa ka unit nga greenhouse nga adunay hydroponic system ngadto sa PEBA Hydroponics Inc., usa ka pribadong kompanya sa Lapu-Lapu City, karong adlawa, Hunyo 20, 2025.

Ang maong greenhouse with hydroponic system, usa ka tabang gikan sa DA-National Urban and Peri-urban Agriculture Program nga nagkantidad Php 1,130,079.03, nga ang tumong niini nga mapalambo ang pagpanguma bisan pa sa kagamay sa yuta sa syudad.

Matod ni DA7 Regional Technical Director, Engr. Cirilo N. Namoc, ang pinakatumong sa DA mao ang pagpataas sa produksiyon ug pagpataas sa income taliwala sa gamay nga lugar-tamnanan sa syudad.

Iyang gibutyag, “we can do and we can strategize by using hydroponics, by using soilless culture, din gipasig-ugdan sa presidente sa PEBA nga si Sir John William Mallory. My congratulations to all of you.”

Gihingusgan sa Lapu-Lapu City Government ang pagpalambo sa sektor sa panguma ug panagat sa dakbayan, diin gibutyag ni Mayor-elect ug kasamtangang House of Representative Ma. Cynthia ‘Cindi’ Chan, nga ilang i-replicate ang maong kalihukan, ang pag-urban gardening, sa ubang barangay ug aron matagaan pud og trabaho ang mga Oponganons.

Sa wala pa ang proyekto nga greenhouse gkan sa DA, ang PEBA Hydroponics Inc. aduna na sila’y existing nga unit sa greenhouse ug usa ka indoor greenhouse diin gipatubo ang mga leafy greens and herbs sama sa lettuce, barley, kale, basil, ug uban pa.

Usa pud ka PhilGap (Philippine Good Agricultural Practices) certified farm ang PEBA ug kanhi nadawat nila ang ilang certificate niadtong miaging buwan, sa samang paagi, mapalapdan pa nila ang ilang pagsupply og mga lettuce o leafy greens sa mga resorts ug mga kan-anan.