Malampuson nga gipahigayon ang National Agriculture and Fisheries Technology Exhibition nga gihimo sa Mandaue City niadtong June 19-21, 2025.
Nagkadaiyang teknolohiya kabahin sa agrikultura ug panagat ang gituki ug gipakita pinaagi sa mga exhibit booths, ingon man ang unang paghimo sa market talks, isip usa sa kalihukan sa NAFTE .

Sa pagtak-op sa kalihukan sa NAFTE niadtong Sabado (June 21, 2025), ang Bicol region maoy napiling benyo sa NAFTE sunod tuig.
Isip panapos, ang DA-Bureau of Agricultural Research (DA-BAR) mihatag og ganti sa nagkadaiyang booths ug best products sa kategoryang food and non-food.

Ang mosunod maoy nakadawat og award: ang Purple Yam (ube) Powder sa CALABARZON AFRREDEN maoy giila nga best product sa food category nga nakadawat og P25,000.00, samtang ang Hand tractor-mounting Multipurpose Seeder (MP Seeder) sa Central Luzon AFRREDEN ang nakadaog sa best product – non food category nga nakadawat og susama nga ganti.
Ang giilang best booth mao ang Davao AFRREDEN nga nakadawat og P50,000.00.
Sa kinatibuk-an, ang DA-BAR, mapasalamaton sa rehiyon 7 sa malampusong paghost sa 2025 NAFTE.