Ang unang makasinati sa hagit sa pag-usab sa panahon o climate change mao ang atong mag-uuma.
Mao kini ang gist sa mensahe ni Department of Agriculture-Central Visayas (DA7) Regional Executive Director Angel C. Enriquez atol sa gipahigayon nga orientation sa Climate Risk Vulnerability Assessment (CRVA).
Ang CRVA usa ka importante ug mahinungdanon nga himan o tools aron mahibaw-an ang kahimtang sa panahon, ingon man asa ang mga lugar ug sektor ang maapektuhan sa kalamidad sama sa bagyo, baha, hulaw ug uban pa nga epekto sa pag-uaab usab sa klima ug panahon.
Sa tabang sa CRVA, dali na buhaton ang mga plano aron mapanalipdan ang umahan ug magpadayon ang ani ug aron adunay pagkaon ang katawhan.