“Daghang salamat sa P20 nga bugas nga niabot jud sa Siquijor, salamat sa atong Presidente, nga nakaabot jud diri sa Siquijor ang tag-20 kilo nga bugas, wala ko gatuo nga naa diay ing-ani, dako gyud kaayo kog na-save. “
Mao kini ang gipa-ambit nga pulong ni Lloyd Olpoc, usa ka person with disability (PWD) nga naghulat sa iyang turno nga maka-avail sa P20 nga bugas.
Ang maong sentiment, mao usab ang gipa-ambit sa 424 ka mga beneficiary sa bugas nga nilinya aron maka-avail sa proyektong P20 Benteng Bigas Meron Na (PBBM), a promised fulfilled alang sa mga Pilipino.
Si Agriculture Secretary Francisco “Kiko” Tiu Laurel Jr. inubanan ni Siquijor Provincial Governor Hon. Jake Vincent Villa, maoy nilusad sa maong roll out sa P20 Benteng Bigas Meron na (PBBM) kagahapon, Hunyo 17, 2025 diin ang mga vulnerable sector sama sa 4Ps beneficiaries, solo parents, senior citizens, ug PWDs ang maka-avail.