Sa padayong pagtrabaho sa 10.97 kilometro (km) nga Rehabilitasyon sa Campagao to Cabacnitan Farm to Market Road sa Bilar, Bohol nga anaa na sa 99.7 porsyento ang nahuman, mi-uban si Department of Agriculture-Central Visayas (DA 7) Regional Executive Director Angel C. Enriquez sa pag-inspeksyon sa maong dalan.
Gitadlas ni Director Enriquez, kauban ang mga inspectorate team, diin ilang aktwal nga gisubay aron masusi ang pipila ka bahin sa nahisgutang FMR. Apil sa gisusi mao ang produksyon areas sa dapit.
Gikalipay ni Director Enriquez nga nakakita nga adunay lapad nga umahan diha mismo sa girehabilitate nga kalsada, gani adunay pagpang-ani sa humay nga gihimo sa pipila ka mga mag-uuma.
Katuyuan sa gihimong pagbisita mao ang personal nga makisayod sa kalambuan sa FMR lakip na ang pagsiguro nga kalidad ang gihimong trabaho sa kontraktor ngadto sa naasoy nga proyekto nga gipunduhan sa ahensiya sa DA.
