Mga Barangay Nutrition Scholars (BNS) ug Health Workers (BHW) gikan sa unom ka lugar sa Sugbo gipa-ubos og oryentasyon kabahin sa urban gardening, karong adlawa, Hulyo 25, 2025 sa Cebu City.
Kapin saysenta ka BNS ug BHW gikan sa dakbayan sa Cebu, Mandaue, Lapulapu, Talisay, ingon man sa lungsod sa Consolacion ug Minglanilla, mitambong ug mipakita sa ilang interes nga makat-on sa pagpananom og utanon pinaagi sa urban gardening.
Sa mensahe ni Department of Agriculture-Central Visayas (DA7) Wilberto Castillo, ang urban gardening importante kay usa kini ka paagi ug tubag nga makab-ot ang kasegurohan sa pagkaon.
“We need partners in food production. Kamo mga BNS ug BHW we need you as partners aron motabang sa pagpromote sa food and nutrition security,” ingon ni RTD Castillo.
Dugang nya nga dili babag ang walay dagkong luna, bisan nga ginagmay nga espasyo, mamahimong makapananom gamit og mga containers, nga gitawag nga container gardening.
Sigon ni Nasudi Soluta, ang Nutrition-Dietician III sa National Nutrition Council (NNC), ang pagkaon dili lng usa ka pribiliyo kun dili usa ka right sa katawhan. Iyang gi-pasabot ang kalainan sa food security ug nutrition security, lakip na ang mga klase sa malnutrisyon nga mao ang underweight (gaan), stunting (putot), wasting (niwang), obese (sobra sa timbang).
