Onse ka mga asosasyon sa mag-uuma nga gikan sa mga AMIA Villages kun Adaptation and Mitigation Initiative in Agriculture (AMIA) nga gi-organisa sa Departament of Agriculture-Central Visayas (DA-7) mitambong sa participatory learning and action workshop nga gihimo sa Hunyo 26-27, 2025 sa Cebu City.
Kini nga mga AMIA Villages naglangkob sa 5 ka asosasyon gikan sa Daanbantayan ug 6 sa Dalaguete, probinsya sa Sugbo.
Sa kukabildo ug pagbinayloan og inpormasyon tali sa DA ug sa mga opisyales sa asosasyon, nasayran nga malampuson ang mga proyekto nga gihatag sa buhatan sa DA.

Gipa-ambit ni Gina Dapat, president sa Fatima Bandilaan Farmers Association (FABAHA) nga ang AMIA nakatabang nila og dako pinaagi sa proyekto nga gihatag sa ilang kapunungan sama sa fertilizers, hayopan ug sa feeds.
“Daku’g tabang gyud ang AMIA nga maoy nakapalambo pagbalik sa among grupo.
Ang among association sa wala pa ang AMIA, nag-tinga-tinga gyud. Wala mi gaexpect nga daghan mig project madawat pag-abot sa AMIA. Naa mi swine dispersal, abono, nakahuna mi nga mag communal farm, unexpected kaayo kay pagkahuman, nakadawat mig ready-to-lay chickens nga mag 1 year this August. Plano namo nga mag expand mi sa among RTL. Blessing kaayo kay pagdawat namo sa RTL pag September, pagka next month, nakadawat mi ug tractor gikan sa DA-Corn Program. Dako namong pasalamat sa Department of Agriculture nga nagpakabana gyud sila sa mga mag-uuma labaw na sa AMIA nga wala gyud mi biya-i like paghuman og hatag sa intervention wala na, pero sila nagpabilin gihapon,” sigun ni Dapat.

(AMIA greatly helped in reviving our association. Before the AMIA, our association was really struggling. We didn’t expect to receive many projects when AMIA was introduced to us. We received swine dispersal, fertilizer, and we cultivated a communal farm. Afterwards, we received ready-to-lay chickens, which will turn one year this August. It’s a great blessing because after receiving the RTL in September and planning it to expand, the following month we received a tractor from the DA-Corn Program. We are very grateful to the Department of Agriculture for their continued support to the farmers, especially to AMIA, who never abandoned us. Even after the turnover of interventions, they still remained supportive.)
Misugyot si Ludifreda Arcenal, presidente sa BAGFA nga unta matagaan sila og pagbansay kabahin sa farm record keeping nga gi-uyunan sa kadaghanan opisyales sa mga kapunungan aron makat-on sila sa financial aspect ug pagdumala sa ilang pundo, ingon man mapasayon ang ilang pagtan-aw kon unsa dapat ilang buhaton sa umaabot.

Mga asosasyon nga gikan sa Daanbantayan, mao ang Bagay Farmer’s Association (BAGFA), Bitoon Agrarian Reform Beneficiaries Association (BARBA), Fatima Bandilaan Farmers Association (FABAFA), Nagkahiusang Mamumuong Kababayen-an sa Bagay (NAMAKABA), ug Somimbang FA (SOFA).
‎Samtang ang mga AMIA villagers gikan sa Dalaguete mao ang Grandchina Vegetable Farmers Irrigators Association (GVFIA), Lahug-Mantalongon FA (LAMFA), Suwa Mantalongon FA (SUMAFA), kon Kapunungan sa Mag-uuma sa Sigpit (KAMSI), Mantalongon Irrigators Association (MIA), ug Mag-uuma sa Mantalongon nga Nagpakabana (MAMANA).