Ang pagpaniid ug monitor sa kahimtang sa kaumahan batok sa presensya sa mga peste ug dangan usa sa pinaka-importateng lakang nga gihimo sa mga kawani sa Regulatory Division sa Department of Agriculture-Central Visayas (DA7).
Gihimo ang monitoring ug surveillance diha sa isla sa Siqujor ning bag-ohay lang, isip early warning system aron mahibaloan ug mapangandaman sa mga mag-uuma kun unsa ang mga peste ug dangan nga anaa palibot sa kaumahan ug matagaan dayon kini og kasulbaran o remedyo.
Sa pagpaniid sa kaumahan sa kawani sa DA7, nga gipanguluhan ni Jose Andro Vendiola, ilang nakita ang presensya sa fall armyworm ug locusts, nga mi-atake sa kamaisan.
Ang early detection makatabang nga masumpo dayon ang pagkaylap sa peste ug dangan sa kaumahan.
Sa koordinasyon sa lokal nga pangagamhanan, ang DA7 mihatag og rekomendasyon ug lakang nga pagasndon sa mag-uma aron mapakgang ang kadaot sa peste ug dangan diha sa kaumahan.
