Mga benepisaryo sa programang Walang Gutom 2027: Food Stamp Program (WGP), usa ka nasudnong programa sa gobyerno dako ilang kalipay nga gi-apil sa paglunsad ang “P20 Benteng Bigas, Meron Na!” (PBBM) ug KADIWA Ng Pangulo nga gihimo sa Cebu City Hall, Cebu City karong adlawa, Hulyo 31, 2025.
Ang P20 bigas programa sa Department of Agriculture (DA) ug DA-National Food Authority (NFA) samtang ang WGP sa Department of Social Welfare and Development (DSWD).
Ang kalihukan gihimo pinaagi sa panaghiusa sa DSWD, DA, DA-NDA, ug sa Lamac Multipurpose Cooperative ug ga LGU-Cebu City.
Sa maong programa, ang mga benepisyaryo makapalit og bugas nga tag ₱20 kada kilo pinaagi sa Electronic Benefit Transfer (EBT) card, ug makadawat og food package nga nagkantidad og ₱3,000 nga naglakip sa Go, Grow, ug Glow foods sama sa bugas, gulay, itlog, prutas, pan, lana sa pagluto, ug bulad.
Gipangulohan Ang kalihukan nila DSWD-7 Director Shalaine Marie S. Lucero, DA7 Regional Technical Director Wilberto Castillo, Cebu City Mayor Nestor Archival Sr. ug uban pang opisyal gikan NFA ug laing ahensya.
Gi-pasabot ni Director Lucero nga ang Walang Gutom Program usa ka intervention nga gitumong sa mga pamilya nga naka-experiensya og involuntary hunger o kadtong naglisod og palit og pagkaon tungod sa kakuwang sa kita.
Si Director Castillo mipadayag sa hugot nga suporta sa DA alang sa programa. Matod niya nga kining mga inisyatibo dili lang ang paghatag og pagkaon, kun dili pagpuno sa dignidad ug paglaum sa matag pamilya. Tinabangay kini tali sa mga mag-uuma ug mga kabus nga pamilya.
Isa sa benepisyaryo, si Joan Abapo, nga nakadawat sa 30 kilos nga bugas, mipadayag sa iyang dakong pasalamat. Dako jud daw ilang nadawat, bug-at lang apan kaya ra kay importante nga naa na silay pagkaon. Matud niya nga aduna siya’y anak nga usa ka PWD, ug pinaagi sa maong programa, mapalit na niya ang tambal sa iyang anak kay dili na sila magproblema sa pagkaon. Nindot pa gyud ang kalidad sa bugas.
