Proyektong agri-fishery trading post pormal na nga gitunol sa Department of Agriculture-Central Visayas (DA7) ngadto sa lungsod sa Clarin, Bohol, karong adlawa, Hulyo 31, 2025.
Si DA7 Regional Executive Director Angel C. Enriquez ang nangulo sa pagtunol certificate of turnover ingon man ang yawe o ang ‘key of ownership’ nga misimbolo nga gipanag-iya na sa lokal nga pangagamhanan sa Clarin amgaong trading post o gitawag nga bagsakan center.
Sa mensahe ni Director Enriquez, iyang gipadayag ang pasalamat ngadto sa LGU Clarin sa suporta sa mga programang pang-agrikultura aron matabangan ang mga mag-uuma ug mananagat 
Iyang hangyo sa mga asosasyon sa mga mag-uuma nga gikan sa 24 ka barangay sa Clarin nga suportahan nila ang maong pasilidad aron kini molungtad.
Dugang ni Director Enriquez, ang DA mosuporta sa mga panginahanglan sa sektor sa agrikultura, diin kining trading post usa ka proyekto nga motabang sa mag-uuma nga maibaligya ang iproduktong agrikultura direkta saga konsyumer.
Ang turnover gitambonga sa mga opisyal sa LGU Clarin, representante gikan sa probinsya sa Bohol ug mga mag-uuma.
