Mga agricultural extension workers, city/municipal agriculturists, kapunongan sa mga mag-uuma ug mga kooperatiba, misugyot sa ilang mga kasinatian ug mga concerns kalabot sa kahimtang sa mga bagsakan/trading/food terminal centers sa ilang mga lugar pinaagi sa gihimong pagbansay-bansay kabahin sa postharvest handling sa mga prutas, utanon, ug uban pang preskong abot sa uma.
Ang maong kalihokan nagsugod karong adlawa, July 22, 2025, hangtod sa adlawng huwebes, July 24, 2025, diin gipangulohan kini sa Department of Agriculture-Agribusiness and Marketing Assistance Services (DA-AMAS) diri sa usa ka lugar sa Mandaue City.
Sa pakighinabi ni DA7 Regional Executive Director Angel C. Enriquez sa mga mitambong, iyang nasayran nga adunay mga bagsakan centers na fully operational samtang ang uban, adunay mga problema.
”Sana matingnan ng AMAD (AMAS) yung ibang bagsakan centers para hindi tuluyang babagsak kapag hindi nagagamit,” sigun ni Director.
Nanghinaot pud si Director Enriquez, nga unta magtinabangay ang DA, mga local goverement units, ug mga farmer cooperatives and associations aron mahiluna ang mga trading centers og mapahimuslan kini sa mga mag-uuma.
Gidayeg pud niya ang Cebu City Carbon Market sa pakigpartner niini sa usa ka pribadong kompanya aron muuswag, adaptive sa bag-ong teknolohiya, ug kayang makig-angay sa modernisasyon aron adunay kauswagan sa mga mag-uuma, traders, ug mga konsyumers.
Sa unang adlaw, ang mga partisipante nakakat-on sa mga prinsipyo sa postharvest diin gihatagan og importansiya ang saktong pagkupot ug pagtipig o pagpondo sa mga abot, hangtod sa pagpili sa angayang ibaligya ngadto sa mga konsyumers.
Matod ni Ritchie Bryan Ibaol, presidente sa San Miguel Vegetable Growers Association sa San Miguel, Bohol, mipadayag na importante sa mga mag-uuma ang mag-apil apil ug susamang mga pagbansay-bansay.
”Tungod ani nga training, nakakuha ko og mga ideya unsaon pagpakunhod sa mga losses during the postharvest activity, mahibaw-an namo ug ma-acknowledge ang mga problemang maagian sa saktong paghandle ug pagtipig/pondo sa mga abot usa pa kini maabot sa konsyumer, ug matagaan na namo kini ug solusyon aron malikayan ang mga kadaot,” dugang niya.
Apil sa mga mitambong na LGU sa Probinsiya sa Bohol mao ang Carlos P. Garcia, Getafe, Clarin, San Miguel, ug Sagbayan.
Sa Sugbo, mitambong ang taga Dalaguete, Cebu City, Danao City, Talisay City, Lapu-Lapu City, Consolacion, ug adunay poy bisita gikan sa rehiyon otso.
