Gilusad ang unang KADIWA Store sa Probinsya sa Negros Oriental atong niaging adlaw, Hulyo 16, 2025 sa Sumaliring, Siaton Negros Oriental.
Ang KADIWA Store, programa sa Department of Agriculture (SA) diin idumala kini sa Central Visayas Agriculture Cooperative (CVACO) o mas nailhan niadto nga Southern Negros Agrifishery Multipurpose Cooperative (SONAMCO).
Sa KADIWA Store, apil sa ibaligya ang mga nag-unang panginahanglan sa tawo sama sa utanon, bugas, lamas, mantika, asin, sabon, shampoo, toothpaste ug uban pa.
Ang tumong sa KADIWA store mao ang paghatag ug direktang akses sa nga konsumidor ngadto sa barato, presko ug kalidad nga mga produkto gikan sa mga lokal nga mga mag-uuma ug nga mangingisda.
Ang Chairperson sa CVACO nga si Lowella Am-is miingon nga 100% silang makigtimbayayong sa DA aron makaserbisyo ug mahatag ang mga panginahanglanon sa kumunidad ilabina na sa mga kabos. Matud niya nga mangita sila og mas daghan pang supplier nga makacompete gyud sa market kay ang ilang tumong makabaligya gyud sila sa barato ug presko nga mga pagkaon ug uban pang panginahanglanon.
Gitambongan ang paglusad sa KADIWA ni DA7 Chief sa Operation nga si Dr. Gerry Avila, Agriculture Board Member Woodrow Maquiling Sr., Provincial Agriculturist Emmanuel Caduyac, Kapitan Julian Uy Jr., DA7 OIC APCO NegOr Bernard Limbaga kauban si Dana Mae Sampilo ug ang Section chief sa Agribusiness and Marketing Division nga si Jenie Evarado.
