Sa pagbisita Representative Degamo sa buhatan sa DA7, anaa sab sila DA Assistant Secretary (ASec) Ernesto C. Enriquez, Ovelito C. Baritua, Acting Regional Manager II sa National Food Authority-7 (NFA7); ug Sila DA7 Regional Technical Directors Wilberto Castillo ug Cirilo N. Namoc.
Ang kukabildo tali sa DA ug ni Rep. Degamo, kabahin sa mga programa ug serbisyo nga mahatag sa tersero distrit, sama sa farm-to-market road (FMR) nga dako’g matabang sa Negros Island Region (NIR).
Sumala ni Director Enriquez, daghan ang mga livelihood programs sa DA nga direkta makatabang sa mga mag-uuma ug mangingisda.
Iyang gi-awhag si Rep. Degamo nga andam-on ang mga listahan sa panginahanglan sa distrito, ilabi na ang mga FMR proposals.
Gipa-ambit usab nga adunay pagahimoon nga orientation, kauban ang mga attached agencies sa DA, ug gi-awhag nga motambong sila adlaw sa orientation aron mahibalo ug mahatagan sa husto nga kahibalo ang ilang buhatan sa tanang programa sa DA
Nagpresentar ang DA og validated proposals para sa mga FMRs sa Negros Oriental. Kon kini mahatagan og pondo, makahatag kini og mas sayon nga access sa mga kabukiran ug komunidad.
