Midaog nga champion ang tulo (3) ka Young Farmers Challenge (YFC) finalists sa rehiyon 7 sa gipahigayon nga National Young Farmer’s Challenge (YFC) competition sa Department of Agriculture (DA) sa Baguio City.
Gideklara karong adlawa, Hulyo 17, 2025 ang mga midaog sa YFC National Competition and Awarding Ceremony sa Baguio Convention Center, diin nakuha sa rehiyon siete ang tulo (3) ka national awards ug duha ka special awards.
Ang maong kalihukan gipanguluhan ni Department of Agriculture Assistant Secretary for Agribusiness, Marketing, and Consumer Affairs Atty. Genevieve Velicaria-Guevarra, representative ni Senator Imee Marcos, ug sa Department of Agriculture.
Si Dignity Y. Lagunay sa Start Up Category milangkat sa 1st place og nakadawat og plaque, certificate, ug dugang 300k cash prize para sa iyang enterprise, Samtang si Jenifer Marie M. Gasatan sa Start up Food processing category 1st place sab og nakadawat og susamang premyo. Si Rogeliano A. Cenita sa YFC Upscale Category National Winner nakadawat og 500k nga cash, certificate, ug plaque.
Dugang pasidungog nga nadawat sa Rehiyon siete mao ang YFC Start up special awards,Social innovation awardee Tinibgan Bee nga gi panag-iya ni Dignity Lagunay ug Young Regenerative agriculture award farming ang Ben’s farm nga gipanag-iya ni Jimwell Abiertas.
Ang mga manaog sa rehiyon siete giubanan mismo ni DA7 Regional Executive Director Angel Enriquez, Agribusiness and Marketing Assistance Division Chief Aurea Madrio, Young Farmers Challenge Program Focal Person Ligaya Ibarita, Local Government Unit Representative sa LGU Maribojoc, Inabanga, Bilar, Zamboangueta, ug Bohol Island State University- Clarin Campus, isip suporta kanila.
Sa inspirational message ni YFC Upscale Awardee Rogeliano Cenita, iyang gi sugid nga dako og tabang ang YFC Program sa iyaha ug sa ilahang komunidad. “Hindi po madali ang pagiging agriprenuer, lalo na sa mga start up, ang atin pong Negosyo ay maraming challenges pero we have our DA, they are there to help us, to guide us, huwag nyong sabihin na kaya kong itayo ang Negosyo ko na mag-isa. Five Hundred Thousand is big and that will help us in our community sa mga fisherfolk po sa Bohol. Dahil sa YFC natupad ang pangarap ko na magkaroon ng maunlad at masayang kumunidad”, saysay ni Cenita.
Matud pa ni DA7 RED Enriquez, uyon siya sa mensahe ni Rogeliano Cenita nga andam permi ang DA mo abag ilabi na sa mga mag-uuma ug mananagat ug dako og tabang ang collaboration og pagtabang sa matag ahensya. Dugang pod niyang mensahe sa mga kabantan-onan nga ganahan mo apil sa YFC Program, “Naay kwarta sa agrikultura, ug perming andam mo abag ang Department og Agriculture”.
Ang maong pag-ila sa mga young farmers usa sa dedikasyon sa DA alang sa pag agni sa mga kabatan-onan sa pag commit sa agriculture og fisheries. Kasamtangang naana sa 4313 YFC Beneficiaries sulod sa lima ka tuig.
Matud pa ni Asec Genevieve Velicaria-Guevarra, ang maong kalihukan dili lang competition but network, innovation, network, process alang sa mga leaders nga kaabag sa pagsiguro sa food supply sa nasud karon ug sa umaabot nga magtuig.
