Sa gihimo nga assessment sa programang Kabuhayan at Kaunlaran Ng Kababayang Katutubo o 4Ks, gidayeg sa National Commission of Indigenous People (NCIP) ang 4K nga programa sa Department of Agriculture-Central Visayas (DA7) sa paghatag og proyektong agrikultura alang sa mga indigenous people (IP), apan iya sad gipahimangnoan nga mopahibalo sa NCIP kun mosulod sa mga ancestral domain (AD).

Mao kini ang gipa-ambit ni Emilou Gonzaga, Ang Provincial Head sa NCIP Bohol, sa ikaduhang adlaw sa assessment, diin iyang gipa-ambit ang importansiya sa koordinasyon, tali sa NCIP, mga IP, ahensya sa gobyerno ug pribadong sektor nga kun mosulod sa AD sa IP, kinahanglan nga mahibalo sila. Kini pagseguro nga walay kalapasan nga mahimo sa ilang kultura ug sa norm sa IP. Kinahanglan nga adunay konsultasyon nga pagahimoon mahitungod sa proyekto kun uyon ba sila.

Sa duhang adlaw sa 4Ks, gipresentar ang mga accomplishments nga nahimo sa 4Ks sa probinsya sa Negros Oriental ug Bohol. Mga proyektong nahatag sa 4Ks mao ang liso sa utanon ug mais, mga abono, baka ug uban pa.