Walo (8 )ka mga grupo sa mag-uuma sa Sugbo misalmot sa pagbukas sa Nutrition Month (NM) sa dakbayan sa Mandaue, sa kolaborasyon sa Department of Agriculture-Central Visayas (DA7) ug ubang ahensya, sugod Hulyo 7-9, 2025.
Ang KNP gihimo sa Mandaue City Hall grounds, aron ang mga mga produkto sa mga mag-uuma mai-link dayon sa mga kunsumidor.
Tema sa NM kay “Food at nutrition security maging priority! Sapat na pagkain karapatan natin!” nga nag-awhag sa tanang sektor sa katilingban sa pagpasiugda sa hustong pagkaon isip katungod ug dili pribilehiyo.
Si Dr. Parolita Mission sa National Nutrition Council Region VII miingon nga ang pagkaon ug hustong nutrisyon usa ka katungod sa tanang Pilipino.
Matud ni Wilberto O. Castillo sa Department of Agriculture nga bisag unsa pa kadaghan ang pagkaon kung dili kini luwas, wala gihapoy pulos. Dugang pa niya “Ang malungtarong kauswagan magsugod sa malungtarong pagkaon. Palit lokal, kaon lokal, ug suportahi ang atong mga mag-uuma”.
Gipasidunggan sa City Government sa Mandaue, pinangulohan ni Mayor Thadeo “Jonkie” Quano, ang lokal nga mga mag-uuma isip kauban sa gubat batok sa malnutrisyon. Matud pa niya nga ang Mandaue City nagtinguha nga mahimong lig-on nga kauban sa pakigbatok sa kakulang sa nutrisyon dili lang karon, kundi alang sa umaabot.
Si Lylia Victoriano, usa ka residente sa Brgy. Alang-Alang, mipadayag sa iyang kalipay nga nakapalit siya og presko ug barato nga utanon sa KADIWA. Hinaut niya nga padayon ang pagpaninda sa City Hall grounds aron mas daghan pa ang makapahimulos.
