Mga preskong mga utanon ug prutas ang gidisplay sa LAMAC Multipurpose Cooperative, Cebu People’s Coop, Cabcawa Multipurpose Cooperative, Cambinocot Multipurpose Cooperative ug GRND UP.

Ang buhatan sa Department of Agriculture (DA) padayon ang kolaborasyon sa mga private partners alang sa kalambuan pinaagi sa paghimo og KADIWA aron madala ang produktong agrikultura gikan sa mga mag-uuma ngadto diretso sa mga konsumidor.

Ang KADIWA usa ka inisyatibo sa Marcos administrasyon aron matabangan ang mga konsumidor ug mga mag-uuma.

Usa sa nakapalit sa KADIWA mao si Marife Villarin, nga residente sa may Malibu Grounds, Subangdaku ug dako ang iyang pasalamat ug kalipay sa paghimo og KADIWA duol sa ilang lugar kay nakatipid siya.