Nakuha sa Central Visayas (CV) ang tulo ka national award atol sa gihimong 50th Gawad Saka Awarding Ceremony sa Department of Agriculture (DA) nga gihimo sa DA-Philippine Rice Research Rice Insititute (DA-PhilRice), City of Muñoz, Nueva Ecija, karong adlawa, Hunyo 30, 2025.
Ang tulo ka award naglangkob sa usa (1) ka indibidwal nga kategorya ug duha (2) sa grupo nga kategorya nga gihatag isip pasidungug sa mga mag-uuma ug mananagat.
Alang sa indibidwal, nakuha ni Jomer Balag nga taga-Batuan, Bohol isip Outstanding High Value Crops for Vegetables category kinsa nakadawat og P250,000.00 nga tseke.
Samtang ang Manga National High School sa Tagbilaran City, nga gi-repesentar ni Pablita Cabarles gipasidunggan nga National Urban and Peri-Urban Agriculture – micro garden nga midawat og P300,000.00 nga tseke.
Matud ni Sec. Laurel nga sukad pa niadtong 1970, ang Gawad Saka nahimong simbolo sa kakugi ug kaalam sa mga bayaning mag-uuma ug mananagat.
“Sa ilalim ng pamumuno ng ating pangulo, isusulong natin ang mga programang pampalakas ng produksyon, pagpapakilala ng mga bagong teknolohiya, at pagbibigay ng sapat na suporta upang makasabay ang ating mga magsasaka at mangingisda sa hamon ng makabagong panahon”, dugang ni Sec. Laurel.
Ang pasidungog gitambongan mismo ni Presidente Ferdinand “Bongbong” Marcos Jr. aron personal nga mipasalamat sa kakugi sa mga mag-uuma ug mananagat.
“Maraming salamat sa inyong sakripisyo. Alam namin na ang buhay ng mga magsasaka at mga mangingisda ay hindi madali. Nagpapakahirap para mapakain hindli lamang ang inyong pamilya kundi maging ang buong bansa. Kami naman sa pamahalaan ay kinikilala namin ang halaga ng kontribusyon ninyo. Maraming salamat sa inyo,” ingon ni President Bongbong Marcos.
Ang Gawad Saka maoy labing pinakataas nga awarding body sa Department of Agriculture nga ihatag isip pasidungog sa mga indibidwal ug grupo sa mga mag-uuma ug mananagat nga naglangkob sa nagkadaiyang kategorya nga naghimo og mga inobasyon ug mga bag-ong pamaagi sa agrikultura nga miresulta sa taas nga ani ug kita.
Human sa awarding, gihatagan og kahigayonan ang mga partisipante nga direktang ipadangat ang ilang mga nasinati, ingon man hangyo ngadto sa kalihim ug sa presidente.
