Sa pakighimamat sa mga mag-uuma sa kape sa Tuburan, Cebu, nasayran nga ang pagsumpo sa sakit ug dangan sa kape maoy usa sa ilang mga problema ug hagit sa pagpananum og kape.

Matud ni Marcia Butaslac, usa ka mag-uuma sa kape ug manager sa Tuburan Coffee Farm, ang dangan ug sakit maoy ilang problema nga kinahanglan nila nga masumpo.

“Nanginahanglan mi og dugang kahibalo mahitungod sa pagpananom og kape. Ang inyong pag-anhi (DA7 ug Province staff) sa among lugar dakung tabang nga makat-on mi ilabi na sa hustong pamaagi sa pagsumpo sa dangan ug sakit,” matud ni Butaslac.

Mga technical staff sa Department of Agriculture-Central Visayas (DA7) nihimo og engagement sa mga mag-uuma sa kape sa Tuburan niadtong Hunyo 17-18, 2025 pinaagi sa Package of Technology (POT) Training on Coffee Production, ingon man hands-on demonstration sa hustong pag-atiman sa kape.

Nagpasalamt si Butaslac, kauban sa laing mag-uuma, sa suporta nga gihatag sa current administration ug sa DA alang sa mga mag-uuma, ilabi sa mga mag-uuma sa kape. Ang kape, matud nya kay usa sa mga in-demand nga commodity.

Matud ni Municipal Agriculturist Kent Marcial Catubis, ang palit sa liso sa kape nga eksklusibo sa mag-uuma sa Tuburan, anaa sa P40.00 matag kilo. Kini mohatag o